<p>Шовот туман Ахборот-кутубхона марказида “Инсон ҳуқуқлари ва эркинликлари” мавзусида мазмунан бой ва маърифий суҳбат бўлиб ўтди. Тадбирда ёш китобхонлар, фаол ўқувчилар ҳамда маҳалла ёшлари иштирок этиб, инсон ҳуқуқлари борасидаги асосий тушунчалар, уларнинг мазмун-моҳияти ва амалий аҳамияти ҳақида кенг қамровли маълумотларга эга бўлдилар.</p> <p>Суҳбат давомида иштирокчиларга:</p> <p>Инсон ҳуқуқлари ва эркинликларининг умумий тамойиллари</p> <p>Ҳар бир шахснинг ҳуқуқлари ва уларни ҳимоя қилиш механизмлари</p> <p>Ўзбекистон Республикасида инсон ҳуқуқларини таъминлаш бўйича амалга оширилаётган ислоҳотлар</p> <p>Ёшларнинг ўз ҳуқуқ ва мажбуриятларини билишининг аҳамияти</p> <p>каби мавзуларда тушунтиришлар берилди.</p> <p>Шунингдек, БМТнинг Инсон ҳуқуқлари умумжаҳон декларацияси, Ўзбекистоннинг конституцион ҳуқуқий асослари ва фуқароларнинг ижтимоий ҳимояси билан боғлиқ муҳим ҳужжатлар ҳақида ҳам батафсил маълумот берилди. Китобхона ходимлари ёшларни ҳуқуқий маданиятни оширишга ундовчи адабиётлар, рисолалар ва илмий-оммабоп китоблар билан таништирдилар.</p> <p>Ёш китобхонлар суҳбат жараёнида фаол иштирок этиб, ўзларини қизиқтирган саволларни бердилар, кундалик ҳаётда ҳуқуқий билимларга эга бўлишнинг фойдаси, ҳуқуқбузарликларнинг олдини олишдаги ёшларнинг роли ҳақида фикр алмашдилар.</p> Ушбу маърифий учрашув ёшларнинг ҳуқуқий саводхонлигини ошириш, уларни жамиятда фаол ва масъулиятли фуқаро сифатида шаклланишига кўмаклашиш, шунингдек, инсон ҳуқуқлари қадриятига ҳурмат руҳида тарбиялашга хизмат қилди.