<p>Бугун Шовот туман Ахборот-кутубхона марказининг Оқкўл маҳалласида фаолият юритаётган кўчма кутубхона ходимлари томонидан 3-декабрь — “Халқаро ногиронлар ҳуқуқ ва эркинликларини ҳимоя қилиш куни” муносабати билан маҳалладаги имконияти чекланган ёш китобхонлар билан учрашув ташкил этилди.</p> <p>Учрашув давомида кўчма кутубхона ходимлари уларнинг ҳолидан хабар олиб, эҳтиёж ва қизиқишларини ўргандилар. Шунингдек, янги адабиётлар, илмий-оммабоп нашрлар ва бадиий китоблар юзасидан китоб тарғиботи ўтказилиб, ёшларга ўқиш маданияти, билим олишнинг аҳамияти ва китобнинг инсон ҳаётидаги ўрни ҳақида батафсил тушунтиришлар берилди.</p> <p>Тадбир жараёнида ёш китобхонларга уларни қизиқтирган йўналишлар бўйича тавсиялар берилди, китоблар мутолааси орқали дунёқарашни кенгайтириш, касб танлаш ва ижодий фикрлашга кўмак берувчи адабиётлар билан таништирилди.</p> <p>Мазкур учрашув имконияти чекланган ёшлар учун нафақат маънавий қўллаб-қувватлаш, балки улар билан мунтазам ишлаш, уларни китобхонликка жалб этиш ва ижтимоий фаоллигини оширишга хизмат қилди.</p> <p> </p>