🕊 #QatagonQurbonlari — Abdulhamid Cho‘lpon<br />Abdulhamid Cho‘lpon (1897–1938) — o‘zbek milliy adabiyotining eng yorqin va takrorlanmas siymolaridan biridir. U Andijonda ziyoli oilada tug‘ilib, yoshligidan she’riyat va ma’rifatga oshno bo‘lgan. Jadidchilik ruhida tarbiya ko‘rgan Cho‘lpon o‘z asarlari orqali xalqni uyg‘onish, ozodlik va yangilikka chorlashga intildi. Uning she’rlari millatni o‘zligini anglash, tilni qadrlash va ilmga yuzlanish ruhini uyg‘otdi.<br />Cho‘lponning ijodi o‘zbek adabiyotida yangi badiiy nafas olib kirgan. Uning “Kecha va kunduz” romani, “Ona tilim”, “O‘zbek”, “Go‘zal” kabi she’rlari hamda sahna asarlari o‘zbek madaniyatida yangi davrni boshlab berdi. U tarjimon sifatida ham katta faoliyat olib borib, Shekspir, Gogol, Tolstoy kabi jahonga mashhur yozuvchilar asarlarini o‘zbek tiliga mahorat bilan tarjima qilgan. Cho‘lponning adabiy ijodi badiiy chuqurlik, lirizm va milliy g‘urur bilan sug‘orilgan.<br /> Bugun Cho‘lpon o‘zbek ma’naviyati, madaniy uyg‘onishi va adabiyotining faxri bo‘lib qolmoqda.